«Қазгидромет» ШҚ филиалының хабарлауынша, 18 қараша күні облыстың солтүстік бөлігінде тұман түседі. Көріну қашықтығы шектеліп, жолдарда қозғалыс қиындауы мүмкін, деп хабарлайды Altainews.kz.

Сонымен қатар, жел шығыстан және оңтүстік-шығыстан соғып, екпіні 15–20 м/с дейін күшейеді деп күтіледі.

ШҚО Төтенше жағдайлар департаменті тұрғындарды сақтық шараларын қатаң сақтауға шақырады:

• көлік жүргізушілеріне — жылдамдықты төмендетіп, арақашықтықты сақтау;
• жаяу жүргіншілерге — құлау мен жарақат алу қаупін болдырмау үшін барынша мұқият болу;
• қатты жел кезінде бос тұрған сымдарға, жарнамалық конструкцияларға, электр бағандарына жақындамау;
• автобус аялдамаларының артында, ағаштардың астында паналамау ұсынылады.

Төтенше жағдай туындаған жағдайда тәулік бойы жұмыс істейтін 112 бірыңғай құтқару қызметіне хабарласуға болады.