Құрметті шығысқазақстандықтар! Құрметті оқырмандар! Сіздерді 1 маусым – Халықаралық балаларды қорғау күнімен шын жүректен құттықтаймыз!

Бұл мейрам – әрбір қоғамның ең қымбат қазынасы – балалар екенін тағы бір мәрте еске салады. Бала күлкісі әр үйдің шуағы, елдің ертеңгі үміті. Сол үміт сөнбесін десек, әр бала махаббат пен мейірімге, тыныштық пен қауіпсіздікке бөленіп өсуі тиіс.

Жарқыраған бала күлкісі әр шаңырақтан естіліп, жас ұрпақтың болашағы шаттыққа, жаңалықтарға, жеңіске толы болсын! Біз – мемлекет, қоғам, ата-ана – баршамыз бірлесе отырып, әр бала өз дарынын дамытып, өз-өзін қауіпсіз сезінетін жарқын әлем құра аламыз деп сенеміз.

Барша балақайларға зор денсаулық, қуаныш пен білімге деген құштарлық тілейміз. Ал үлкендерге – төзім мен даналық, тәрбиенің тағылымын терең түсінер жүрек тілейміз!

Ізгі тілекпен,
Altainews Media Centre ұжымы