Қазақстан Қытайға жылына 11 миллиард текше метр газ экспорттап отыр
Қазақстан газының Қытайға экспорты жылына – 11 миллиард текше метр. Бұл туралы Алматыда журналистермен кездесу кезінде энергетика министрі Алмасадам Сәтқалиев айтты.
- Қазір біз жылына 11 миллиард текше метрге дейінгі газ көлемі туралы айтып отырмыз, бірақ бұл көлем Қазақстанның газ өндірушілерінің мүмкіндігіне қарай жыл сайын реттеліп отырады, — деді министр брифиңде.
Ол биыл индикативтік балансқа байланысты 4,5-5 миллиард текше метр газ, кейін — 11 миллиард текше метрге дейін экспорттау жоспарланып отырғанын айтты.
Министрдің айтуынша, газ Батыс Қазақстанның кен орындарынан жеткізіледі.
