Қазақстанда жаңа Салық кодексі қабылданды. Ол 2026 жылдың 1 қаңтарынан бастап күшіне енеді. Жаңа құжатқа сәйкес, жылжымайтын мүлік сатқанда төленетін салық мөлшері 10–15 %-ға дейін өседі, сондай-ақ салық салу талаптары өзгереді, деп хабарлайды Altainews.kz тілшісі krisha.kz порталына сілтеме жасап.

Салық төленетін жағдайлар:

• Егер жылжымайтын мүлік бір жылдан (2026 жылдан бастап – екі жылдан) аз уақыт иелікте болса және пайда табылса;
• Кез келген мүлік түрі сатыласа: пәтер, жер үй, саяжай, жер телімі, гараж, қойма, тұрақ орны.

Басты өзгерістер:

• Салықтан босатылу үшін иелік ету мерзімі 1 жылдан 2 жылға ұзарады.
• Пайда көлемі 8500 АЕК-тен (2025 жылы – шамамен 33,4 млн теңге) асса, артық сомаға 15 % мөлшерлеме қолданылады.

Шетел азаматтары мүлікке қанша уақыт иелік еткеніне қарамастан 15 % төлейді.

Салық төлеу тәртібі:

• Декларацияны (270.00 нысан) келесі жылдың 15 қыркүйегіне дейін тапсыру;
• Салықты 25 қыркүйекке дейін төлеу;
• Төлеу жолдары: E-Salyq Azamat қосымшасы, eGov.kz, электронды кабинет немесе Мемлекеттік кірістер басқармасы.

2026 жылдан бастап сән-салтанат салығы да енгізіледі. Жиынтық құны 450 млн теңгеден асатын жылжымайтын мүлікке және құны 75 млн теңгеден асатын қымбат көлік иелеріне жаңа салық салынады.