Олжас Бектенов: «Биыл елімізде 190 жаңа ірі кәсіпорын ашылады»
Фото: primeminister.kz
Үкімет отырысынан кейінгі баспасөз мәслихатында Премьер-министр Олжас Бектенов елдегі экономикалық даму мен жұмыспен қамту мәселесіне тоқталды, деп хабарлайды Altainews.kz тілшісі ҚР Үкіметінің ресми Telegram-каналына сілтеме жасап.
«Нақты табысты арттыру үшін экономиканы дамытуымыз керек. Ол үшін жаңа кәсіпорындар ашып, жаңа жұмыс орындарын құру қажет. Мемлекет басшысының тапсырмасына сәйкес, бұл бағытта белсенді әрі кешенді шаралар қабылданып жатыр. Биылдың өзінде 190 жаңа ірі кәсіпорын ашылады. Әрине, бұл жұмыс күшін қажет етеді. Сондықтан азаматтар жоғары жалақысы бар жұмысқа орналасып, өмір сүру деңгейін жақсарта алады. Мемлекеттің басты міндеті – әр адамға мүмкіндік беру», – деді Үкімет басшысы.
Сондай-ақ ол әлеуметтік көмек тек еңбекке қабілетсіз және өзін-өзі қамтамасыз ете алмайтын азаматтарға берілетінін атап өтті.
Қазіргі уақытта enbek.kz еңбек биржасында 100 мыңнан астам бос жұмыс орны бар. Кәсіпорын басшыларының айтуынша, инженерлер мен IT-мамандарға сұраныс жоғары.
«Кейбір кәсіпорындар қажетті кадрларды шетелден әкелуге мәжбүр. Бұл мәселені жан-жақты ойластыру қажет. Жалпы, елімізде «жұмыс істеймін» деген адамға жұмыс табылады», – деп түйіндеді Олжас Бектенов.
Оқи отырыңыз
Олжас Бектенов: Үкіметте Мемлекет басшысының тапсырмаларын орындау бойынша қажетті барлық шара қабылданадыОлжас Бектенов: Мемлекет басшысы алға қойған міндеттер аясында Үкіметтің экономикалық блогы сарапшылар тобымен бірлесіп, бюджет-салық және тариф саясаты реформалары бойынша жаңа тәсілдер әзірлеуде1 млн 220 мың адамға қолдау көрсетіледі - Асқар МаминҚазақстанда Proton электромобилі шығарылуы мүмкінҮкімет газдандыру мен газ саласына инвестиция тарту бойынша жүйелі жұмыс жүргізіп жатыр
