Тіл дегеніміз – қай ұлттың болмасын тарихы мен тағдыры, тәлім- тәрбиесі, қатынас құралы, іс жүргізу тілі,  елдігіміз бен бірлігіміздің туы, бізге ата-бабамыздан қалған баға жетпес асыл мұрамыз, рухани байлығымыз.

Ұлт ұстазы Ахмет Байтұрсынұлы:  «Қазақтың  атадан балаға мұра етіп  қалдыратын екі қазынасы бар, оның біріншісі-байтақ жері, екіншісі – бай тілі» дегендей, осы  баға жетпес асыл мұрамызды, құндылығымызды  ұрпақтан-ұрпаққа жеткізу әр азаматтың парызы деп ойлаймын.

Еліміздің Ата Заңының 7-бабына сәйкес Қазақстан Республикасындағы мемлекеттік тіл - қазақ тілі деп көрсетілген.

Мемлекеттік тіл - қазақ тілін жетік меңгеру – жас ұрпақтың елдігін, ұлттық қасиетін сақтап қалуының кепілі, тіліміздің  байлығы-ұлт мақтанышы.  

Ел мен елді,  халық пен халықты  байланыстыратын да – осы тіл. 

Бүгінгі күнде қазақ жерін мекен еткен 130-дан астам ұлт өкілдері  өмір сүруде.  Олардың  әрқайсысының ана тілі, салт-дәстүрі бар. 

Қазақ тілі  тек қазақ  халқының тілі емес, ол Қазақстанда  тұратын , оны Отаным деп қабылдайтын әрбір азаматтардың тілі, ал  осы тілді  дамыту, оның қолдану аясын  кеңейту – бәрімізге ортақ міндет деп санауымыз керек. 

Тіл – мәңгілік құндылық, осы құндылықты  сақтау - асыл парызымыз.

Асыл құндылығымыздың құны жойылмауы үшін   біз өзіміздің сөйлеу  мәдениетімізді қалыптастыру  арқылы үлес қосатынымыз айдан анық!

Өскемен қаласының мамандандырылған 
тергеу сотының бас маман-сот отырысының
хатшысы  
Айжан Кусаинова