Блиц-шахматтан 2 дүркін (2021, 2022) әлем чемпионы Бибісара Асаубаева онлайн түрде өткен Swiss Queens Wednesday турнирінде топ жарды.

Отандасымыз 11 турдың нәтижесі бойынша 10 жеңіс, 1 мәрте тең түсіп, қарсыластарынан оқ бойы озып кетті, деп хабарлайды Altainews.kz тілшісі ҚР Спорт комитеті ақпаратына сүйеніп.

Swiss Queens Wednesday онлайн турнирі ФИДЕ-нің 100 жылдығына байланысты өткізіліп жатыр. Жарыстың басты ерекшелігі - ФИДЕ ұйымдастырған бәсекенің чемпиондары ғана қатысады.