«Үміт» балаларды қолдау орталығының тәрбиеленушілері Алматы қаласында өткен «Асыл Арман–2026» халықаралық көпжанрлық хореографиялық байқауда бақ сынап, жоғары шеберлікпен Бас жүлдеге ие болды. Жеңіс нәтижесінде жас өнерпаздар Түркия еліне жолдама ұтып алды, деп хабарлайды Altainews.kz.

Байқаудың салтанатты ашылу рәсімінде «Үміт» орталығының ұжымы мен тәрбиеленушілері көрермендерге жүрекке жылы әсер сыйлаған «Ана мен бала» вальс биін орындап, көпшіліктің ыстық ықыласына бөленді.

Жарысқа мекемеден барлығы 39 тәрбиеленуші мен 35 қызметкер барды. Жалпы байқауға 30 түрлі ұйымнан 1380 бала қатысқан.

Айта кетейік, халықаралық байқаудағы бұл жеңіс «Үміт» балаларды қолдау орталығы тәрбиеленушілерінің шығармашылық әлеуеті мен жүйелі дайындық деңгейін көрсетеді. Алынған жолдама жас өнерпаздарға халықаралық сахнада өнер көрсетуге және тәжірибе алмасуға жол ашары сөзсіз.