«Қазгидромет» ШҚФ мәліметіне сәйкес, 12 қаңтарда облыс аумағында жаңбыр мен қар аралас жауын-шашын болады, бұрқасын соғып, көктайғақ сақталады. Ал шығыс бөлігінде қатты қар күтіледі, деп хабарлайды Altainews.kz.

Жел оңтүстік және оңтүстік-батыс бағыттан соғып, екпіні 25 м/с дейін жетуі ықтимал.

Өскемен қаласында да қар жауып, бұрқасын күтіледі. Күндіз жаңбыр мен қар аралас жауын-шашын, бұрқасын және көктайғақ болуы ықтимал. Желдің екпіні 15–20 м/с дейін жетеді.

Мамандар қолайсыз ауа райы кезінде алыс сапарды жоспарламауға кеңес береді. Егер жолға шығу қажет болса, көлік құралын мұқият дайындап, қауіпсіздік шараларын қатаң сақтау ұсынылады.