Бүгін сағат кешкі тоғыздан бастап «Өскемен–Тарғын–Самар» бағытында жазғы дөңгелекпен жүрген көліктерге шектеу енгізілді, деп хабарлайды Altainews.kz тілшісі. 

«ОблШығысЖол» ЖШС ақпаратына сәйкес, 4 қазан күні сағат 21:00-ден бастап ауа райының қолайсыздығына, яғни, қар жаууына байланысты «Өскемен–Тарғын–Самар» бағытындағы облыстық маңызы бар автожолдың 63-145 шақырымына шектеу енгізілді.

Тарғын және Самар ауылдары аралығында қысқы шиналармен жабдықталмаған көлік құралдарының қозғалысына тыйым салынады.