ШҚО-да ауа райы қолайсыздығына байланысты тас жолдар жабылды, деп хабарлайды Altaynews тілшісі.

«ҚазАвтожол»-дың деректеріне сәйкес, бүгін сағат 10:18 бастап, Өскемен-Семей тас жолы жабық. Естеріңізде болса, осыған дейін Төтенше жағдайлар департаментінің мамандары бүгін Шығыста қалың қар жауып, желдің күшейетіндігі туралы айтқан болатын. Желдің екпіні 15 м/с жылдамдықпен соғып тұр. Құтқарушылар тобы облыс тұрғындарына алыс жолға шықпау керегін ескертеді.