Астана қаласындағы Қазақстан мұсылмандары діни басқармасының ұйымдастыруымен тұңғыш республикалық «Үздік имам» интеллектуалды білім сайысы өткізілді. Ел ішінде іріктелген үздіктер арасында Өскемен қалалық орталық мешітінің наиб имамы Бекзат Азатбекұлы Құсанбаев топ жарды. Салтанатты марапаттау рәсімі «Әзірет Сұлтан» мешітінде өтті, деп хабарлайды Altainews.kz.

Марапаттау рәсіміне арнайы қатысқан ҚМДБ Төрағасы, Бас мүфти Наурызбай қажы Тағанұлы сайыстың маңыздылығына тоқталып, қатысушыларға ризашылығын білдірді.

Әділқазылар алқасының шешімімен І республикалық «Үздік имам» интеллектуалды білім сайысының жеңімпаздары төмендегідей:

- I орын: Бекзат Азатбекұлы Құсанбаев – ШҚО, Өскемен қалалық орталық мешітінің наиб имамы (500 мың теңге) 

- II орын: Нұрлан Мұрат – Жамбыл облыстық «Һибатулла Тараз» мешітінің наиб имамы (400 мың теңге)

- III орын: Қуаныш Тоқсанбайұлы Әбішев – Алматы қалалық Орталық мешітінің наиб имамы (300 мың теңге)

Сонымен қатар, жарысқа қатысып, жүлдегерлер қатарына енбеген имамдарға 50 000 теңгеден ынталандыру сыйақысы берілді.

Фото: muftyat.kz