"Қазгидромет" РМК ШҚО филиалының хабарлауынша, 23 қыркүйекте облыстың солтүстігі мен шығысында қатты жаңбыр жауып, күндіз бұршақ түседі. Түнде және таңертең солтүстік аудандарда тұман болады, деп хабарлайды Altainews.kz тілшісі.

Желдің бағыты – оңтүстік-батыстан. Солтүстік, шығыс және оңтүстікте желдің жылдамдығы 15-20 м/с жетіп, екпіні 23 м/с-қа дейін күшеюі мүмкін. Өскемен қаласында да күндіз қатты жел соғады – 15-20 м/с.

Мамандар тұрғындарды барынша сақ болуға шақырады:

• көлік жүргізушілерге жылдамдықты азайтып, қашықтықты сақтау қажет;
• қатты жел кезінде электр сымдары мен тербеліп тұрған заттарға жоламаңыз;
• автобус аялдамаларының артына немесе ағаштардың астына тығылмаңыз;
• көлікті ескі, қураған ағаштардың жанына қоймаңыз.

Қауіпті жағдай туындаған кезде 112 нөміріне қоңырау шалу керек.