Қала күні: Өскеменде командалар жасыл алаңда сынға түседі
depositphotos.com
24 тамыз күні сағат 09:00-де Өскемен қаласы әкімдігінің ұйымдастыруымен Комсомол аралында Қазақстан Республикасы Конституциясы күні мен Өскемен қаласының күніне арналған футбол жарысы өтеді, деп хабарлайды Altainews.kz тілшісі.
Бұл шара – тек спорттық бәсеке ғана емес, сонымен бірге қаламыздың мерекелік көңіл-күйін арттыратын ерекше оқиға болмақ. Жарысқа әртүрлі ұйымдар мен спорт клубтарының командалары қатысып, жеңіс үшін тартысты ойын көрсетеді.
– Футбол мерекесі қала тұрғындары мен қонақтарын спортты қолдауға, салауатты өмір салтын насихаттауға және бірлік пен достықты арттыруға бағытталған, – дейді ұйымдастырушылар.
Көрермендерді жігерлі ойындар, қызықты сәттер және футболшылардың шеберлігін паш ететін әсерлі комбинациялар күтеді. Әр келген жан командаларды қолдап, спорт мерекесінің атмосферасынан қуат ала алады.
Оқи отырыңыз
