20 ақпан және 3 мамыр аралығында Білім саласындағы жаңа технологиялар Шығыс Қазақстан өңірлік орталығы мектеп оқушылары арасында «Jasandy Intellekt-2023» атты байқау жариялаған.

Үміткерлер қашықтан қатысқан байқауға 8 өтінім ұсынылған, деп хабарлайды Altaynews тілшісі.

Жарыс балалар мен жастар арасында жасанды интеллект технологияларын, жобалау қызметі мен ғылыми-техникалық шығармашылықты дәріптеуге бағытталған.

Сайыс қорытындысы бойынша 1-орынға Өскемен қаласындағы Оралхан Бөкей атындағы №44 лицей оқушылары лайық деп танылса, 2-орынды №37 көпбейінді орта мектебінің оқушылары, 3-орынды Шоқан Уәлиханов атындағы №3 мектеп-лицейінің оқушылары иеленді.