Өткен жылы Алакөлдегі жергілікті кәсіпкерлердің кірісі 18 миллиард теңге болған. Бұл туралы Даниал Ахметов Өскемен қаласының тұрғындармен кездесуінде айтты.

Ал кірістен мемлекет қазына түскен салық 6 есеге төмен. Яғни, 87 миллион теңгені құраған.

Әкімнің айтуынша, шын мәнінде салық сомасы 540 миллион теңге болуы керек еді, яғни облыс бюджетіне 453 миллион теңге түспеген.

-  Мемлекет басшысы Қасым-Жомарт Кемелұлы Тоқаев бизнесмендермен кездесуінде ұлттық табыс құрылымында жеке сектордың пайдасы ең жоғары екенін, яғни 61,5%-ды құрайтынын, түскен салықтың үлесі – 7,3 екенін атап өтті. Ал сәйкесінше қазақстандықтардың жалақысынан түскен салық – 31 %, яғни үштен бірін құрап отыр. Тепе-теңдік жоқ. Жағдайды тез арада өзгерту керек, бұл көп жағдайда кәсіпкерлерге байланысты. Бизнес көлеңкеден шығып, салықты адал өтеп, лайықты еңбекақы төлеуі керек, - деді ШҚО әкімі Даниал Ахметов.

Айта кетейік, Президент салықты адал жолмен төлеу тиімді және қарапайым болатындай етіп жасау туралы тапсырма берген.