Глубокое ауданында ауыл шаруашылығы саласының алдыңғы шебінде жүрген ветеринар мамандарға жаңа қызметтік автокөліктер табысталды. Барлығы 14 жаңа машина беріліп отыр. Олар 5 жылға лизингке алынып, Өнеркәсіпті дамыту қоры қолдау көрсеткен, деп хабарлайды Altainews.kz тілшісі.

Салтанатты шара Глубокое кентінде өтті. Шараға қатысқан мамандардың қуанышында шек жоқ.

Ауданға берілген көліктердің ішінде бір «Соболь» фургоны, бір пикап және 11 Chevrolet Cobalt жеңіл көлігі бар.

Оның айтуынша, ауданның ветеринарлық қызметінің көліктері соңғы рет 2013 жылы жаңартылған. Сондықтан жаңа техниканың келуі – көптен күткен жаңалық.

Жаңа көліктер тек Глубокое ауданына ғана емес, Шығыс Қазақстанның басқа аудандарына да берілді. Жалпы өңір бойынша ветеринарлық қызметке 113 жаңа машина тапсырылған.

Қазір өңірде 500-ден астам ветеринар маман еңбек етуде. Барлығы 110 ветеринарлық мекеме жұмыс істейді. Жаңа автокөліктерді сатып алуға 2 миллиард 300 миллион теңге бөлініп, олар 5 жылға лизингке алынған.

Елизавета Седых

Фото/видео: Руслан Акматалиев