Қазақстан Ұлттық банкі алаяқтардың жаңа схемалары туралы ескертеді

pixabay.com

21.09.2024, 17:00 271 Назерке Каримова

Қаскөйлер коммуналдық қызметтің немесе ұялы байланыс операторының қызметкері атынан хабаласатын болған, деп хабарлайды Altainews.kz тілшісі.

Олар азаматтарға қоңырау шалып, мобильді телефондағы SIM-картаның қолдану мерзімі немесе коммуналдық есептеуіш құралдың пайдалану мерзімі аяқталғанын хабарлайды.

Телефонмен әңгіме кезінде азаматтарға олардың қызметін ұзартуға немесе электрондық кезекке тұруға болатынын айтады.

- Әрі қарай алаяқтар ұялы телефонға келген хабарламаны өзіне жіберуді, қауіпті сілтемеге өтіп қосымшаны жүктеуді немесе мессенджердегі жаңа функцияларды іске қосуды, я болмаса дербес деректерін хабарлауды сұрайды. Кейін телефонға қосылып алған соң қаскөйлер азаматтың қаражатын ұрлап, SIM-картаның виртуалды көшірмесін қосып алады, - деп ескертеді ҚР Ұлттық банкі. - Шоттағы ақшаларды қолды қылғаннан кейін алаяқтар алданған азаматтармен қайта байланысып, өздерін Ұлттық банктің қызметкері ретінде таныстырады. Сөйтіп екінші деңгейлі банктердің мобильді қосымшаларын орнатып, ақшалай немесе тауарлай кредиттер ресімдейді. Қаскөйлер өз ісінің заңдылығын растау үшін Ұлттық банк қызметкерінің қолдан жасалған қызметтік куәлігін, Ұлттық банктің жалған құжаттарын, ақша құралдарын сақтандыру немесе банктік аударымдар жасау үшін хаттар мен реквизиттер ұсынады.

Қазақстан Ұлттық банкі азаматтарды қырағы болуға және күдік туғызған қоңырауларға сенбеуге, күмәнді сілтемелерге өтпеуге, сондай-ақ бейтаныс адамдардың нұсқауымен HopToDesk, RustDesk, RUDesktop, AnyDesk, TeamViewer сияқты қашықтан басқаратын басқа да қосымшаларды орнатпауға шақырады.

- Ұлттық банктің қызметкерлері аудио және бейнеқоңырау жасамайды, жеке тұлғалардың шотына қызмет көрсетпейді, ақша құралдарын сақтандырумен айналыспайды, сондай-ақ халықпен ақшалай есеп айырыспайды, - деп ескертеді Ұлттық банктің баспасөз қызметі.

Егер алаяқтық іс-әрекетке тап болсаңыз, тиісті арызбен Қазақстан Республикасының құқық қорғау органдарына жүгіну қажет. Консультация алу үшін Ұлттық банктің 1477 қысқа нөмірлі байланыс орталығына хабарласуға болады.

Оқи отырыңыз

Ұлттық Банк жаңа алаяқтық схемалар пайда болғанын ескертеді Ұлттық банк телефон алаяқтығының жаңа түрі пайда болғанын ескертті Алаяқтар енді дәрігер болып хабарласатын болған Ұлттық банк алаяқтардың жаңа айласы пайда болғанын ескертті Ұлттық банк қазақстандықтарды алаяқтардан сақ болуға шақырды

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу

« ақпан 2026 »
Пн	Вт	Ср	Чт	Пт	Сб	Вс
						1
2	3	4	5	6	7	8
9	10	11	12	13	14	15
16	17	18	19	20	21	22
23	24	25	26	27	28