Бүгін ел тарихы үшін мәртебелі күндердің бірі – Конституция күні, деп хабарлайды Алтайньюс тілшісі.      

Қазақстан Республикасының қазіргі Ата Заңы 1995 жылы 30 тамыз күні жалпыхалықтық референдумда қабылданды. Бесінші қыркүйекте өз күшіне енді. Конституция 9 тараудан, 98 баптан тұрады.

Конституция мемлекеттік құрылыстың құқықтық негізін қалыптастырушы құжат. Бұл ҚР-ның бекіткен екінші конституциясы. Бұған дейін 1993 жылы 28 қаңтарда қабылданған болатын.

Ата Заң – әр азаматтың құқығын айшықтайды.  Сондықтан, тәуелсіздік нышаны ретінде ерекше қадірленіп, биік мәртебе берілген. Ата Заңды сыйлау – республика азаматтарының қасиетті парызы.