Өскемен қаласындағы ШҚО драма театрында 1-2 сәуір күндері Жан Батист Мольердің «Еріксіз емші» комедиясы сахналанды. Көшпелі театр стиліндегі комедияның өзгеше қыры – көрермендердің қойылымды сахнада отырып тамашалауы. 
Жаңа форматтағы қойылымды Жастар театрының өнерпаздары әзірлеген, деп хабарлайды Altaynews тілшісі. 
Қоюшы режиссері – Абай Дәулетұлы, сценографиясын жасаған – Айбек Самарқанов. Ұйымдастырушылар сахна әрлеуі мен қойылымның форматы арқылы 16-шы ғасырдағы жағдайды көрерменнің көз алдына әкелуге тырысқан. 
Театрсүйер қауым қойылымды енді 14 сәуірде тамашалай алады.