Жатыр мойны обыры – алдын алуға болатын, алайда кеш анықталған жағдайда өмірге қауіп төндіретін дерт. Altainews.kz оқырмандарына аурудың себептері, белгілері және одан сақтану жолдары туралы Шығыс Қазақстан облыстық көпбейінді «Онкология және хирургия орталығының» жоғары санатты онколог-дәрігері Инна Леонидовна Чертищева түсіндіреді.

Жатыр мойны обыры не себепті дамиды?

Маманның айтуынша, жатыр мойны обыры көбіне 45–65 жас аралығындағы әйелдерде анықталады. Алайда соңғы жылдары бұл диагноз 18–29 жас аралығындағы жас әйелдер арасында да жиілей түскен. Әлем бойынша жыл сайын 500 мыңнан астам әйел осы дертке шалдығады. Бұл — әр екі минут сайын бір әйелде жатыр мойны обыры анықталады деген сөз.

АПВ қалай жұғады?

Дәрігердің сөзінше, презервативтер АПВ-дан толық қорғай алмайды, себебі вирус өте ұсақ және микрокеуектер арқылы өтуі мүмкін. Вирус ағзада көбіне еш белгісіз өтеді, сондықтан көп адам өзінің жұқтырғанын білмей жүреді. Дегенмен, АПВ жұқтырғандардың шамамен 50 пайызында иммундық жүйе вирусты өздігінен жоя алады.

Ауруды қалай ерте анықтауға болады?

Қазақстанда жатыр мойны обыры жағдайларының жартысынан астамы кеш, асқынған сатыда анықталатыны — алаңдатарлық жайт.

Қандай белгілерге назар аудару керек?

Ауру асқынған кезде қынаптан мол сулы немесе қанды бөліністер пайда болуы мүмкін. Олар көбіне жыныстық қатынастан кейін, ауыр зат көтерген соң, етеккір аралығында немесе менопауза кезеңінен кейін байқалады. Кеш сатыларында әлсіздік, іштің төменгі бөлігінің ауыруы, зәр шығару бұзылыстары орын алады.

Жатыр мойны обыры қалай емделеді?

Аурудың алдын алудың ең тиімді жолы

Инна Леонидовна Чертищева әйелдерге акушер-гинеколог дәрігерге тұрақты түрде қаралып тұруды ұсынады. 30–70 жас аралығындағы әйелдер әр 4 жыл сайын скринингтік тексеруден өтіп, цитологиялық зерттеу үшін жағынды тапсыруы қажет.