Өскеменде Қала күні мерекесі қыркүйек айының екінші сенбісіне түсіп отыр. Ол күні қандай іс-шаралар өтетіні белгілі болды, деп хабарлайды Алтайньюс тілшісі.

Мереке өтетін орындар Республика алаңында, бұрыңғы Комендантка өзенінің сағасында, Комсомол аралында, «Самал» саябағында, Ғашықтар аллеясы мен Арбатта ұйымдастырылмақ екен.

Іс-шара бағдарламасында түрлі шоулар, спорттық жарыстар, шығармашылық ұжымдардың концерті, ретро би кеші, автожарыс, бал фестивалі мен отшашу бар.

Сондай-ақ, мереке күні түнде ашық аспан астында кино көрсетілмек.