Экологиялық қауіпсіздік орталығы акция ұйымдастырды. Қыркүйек айында облыс тұрғындары қоршаған ортаға көптеп зиян келтіріп жатқан шағын кәсіпорын, жылыту қазандығы және автокөліктерге қатысты арыз-шағымдарын WhatsApp арқылы жолдады. Алғашқы «үздік» те анықталды, деп хабарлайды Алтайньюс тілшісі.

Экология департаментінің мәліметінше, шағым көп түскен «Ұлан» атты ет-консерві зауыты тексерілді. Өскемендегі бұл кәсіпорынның, біріншіден, тозаң тұтатын құрылғысы талапқа сай емес, екіншіден, техникалық құжаттары дұрыс емес.

– Кәсіпорынның қоршаған ортаға келтірген экономикалық шығын мөлшері анықталды. Әкімшілік кодекстің 331, 332-баптары бойынша, хаттама тошлтырылды, – делінген Экологиялық қауіпсіздік орталығының ақпаратында.

Ет-консерві комбинаты белгіленген уақыт мөлшерінде олқылықты түзетуге міндеттелді.